– Kore e Jugut

Kinema-botox: tegelat e trashë të psikologjisë erotike të “Zonjushës” koreane

Titulli origjinal i filmit ne gjuhen koreane eshte “Ahgassi”. Që do te thote Zonjusha. Ne anglisht filmi mban ttitullin “The Handmaiden”. Në frengjisht ka dale si “Mademoiselle”. Në Turqi si ”Hizmetçi“
Ne shqip mund te titullohet “SHERBETORJA” (ose “Hyzmeqarja”).

Regjizor eshte Park Chanwook, ai i “Old Boy”-t (film qe nuk e kam hiç qef), por edhe i “I’m a cyborg” (qe me ka pas pelqyer shume!!), si dhe i grotesko-vampirikut “Thirst” apo fllucko-sapunit “Stoker”.
http://filmjournal.thedigitalfix.com/autori/2016/11/30/kinema-botox-tegelat-e-trashe-tepsikologjise-erotike-te-zonjushes-koreane/

Zombi me 300 km/orë!

 

TRENI PER BUSAN – film apokaliptik koreano-jugor me regji te Yeon Sang-ho

Historia:
Nje virus vdekjeprures eshte perhapur ne Korenë e Jugut. Po e more virusin, kthehesh ne zombi. Gjendja e jashtezakonshme eshte dekretuar ne gjithe vendin.
Pasagjeret e trenit KTX (Korean Train eXpress) per Busan (qyteti i dyte per nga madhesia ne Koré te Jugut) te cilet e mesojne kete lajm veçse kur ndodhen brenda ne tren, periqen me te gjitha mjetet per te arritur ne ate qytet, meqe ai eshte i vetmi i paprekur nga virusi.
Ne qender te filmit eshte nje baba tek te 30at i cili duhet te çoje vajzen e tij 7 vjeçare tek e jema e saj (prinderit e vogelushes jane divorcuar).
Kaq.

Filmi ka thyer te gjithe rekordet ne box-office koreane: me 11 miljon spektatore, ai eshte sot per sot filmi me i shikuar korean ne ate vend! Ever!

Dhe fatmiresisht eshte film i mire!

*
Skenari, sikurse e rrefeva me lart, mund te permblidhet ne nje faqe leter A4. Keshtu qe gjithe “pjesa tjeter” e filmt nuk eshte veçse talent i regjizorit per te krijuar nje mizaskene te ankthshme.

Inteligjenca regjizoriale e filmit ka te beje me faktin se, pasi i shter mjetet klasike hitchcockiane te nje filmi-suspens në tren (koridoret, tualetet, bagazhet… etj etj), regjizori nuk mjaftohet me kaq por, ashtu sikurse tek ato te George Romero-s, babait te filmave me zombi (alegori monstruoze te botes kontemporane), e vë filmin në rezonancë me gjënë politike, gjithe duke mos nenvleresuar venën humoristike (nepermjet satires socio-politike).
Great mix ! Ose me sakte : perzierje e shkelqyer tonalitetesh.

“Treni per Busan” eshte prova se ende ka filma te mire horror!

ps: Regjizorit te “World War Z” (film me buxhet ndofta 10 here më te larte se ky koreani !) duhet ti kete ardhur turp kur ka pare “Trenin per Busan”. Dhe ka arsye te forta per tu turperuar!
D

8.5

trailer:  https://www.youtube.com/watch?v=pyWuHv2-Abk

click:

Luftë klasash “For Dummies” apo…

“Snowpiercer” – film amerikan me regji te koreanit Joon-ho BONG

Si rrjedhoje e nje katastrofe ekologjike, ne vitin 2031 planeti Toke ka ngrire i gjithi: ai ç’ka mbetur nga njerezimi eshte strehuar ne nje tren, i cili qarkullon pa nderprere ne te njejten trajektore prej vitesh e vitesh. I krijuar nga industrialisti Wilford, treni eshte i ndare ne vagone, ne fund te te cileve jane rrasur e ngjeshur te varferit; ne krye te trenit eshte Wilfordi dora vete (Ed Harris) dhe klika e tij. Udhetaret e vagoneve te ndare ne klasa, nuk komunikojne me njeri tjetrin. Por nje dite, Curtis (Chris Evans) vendoset ne krye te nje proteste qe ka per qellim permbysjen e hierarkise. The Revolution??

Filmin e ka bere BONG Joon-ho, pionieri i Vales se Re kinematografike koreane te viteve 2000 (sikur i eshte mekur ca zeri kesaj vale, keto koheve te fundit, por nejse… ) , regjizor i fantastikut “The Host” ne 2007, por edhe i “The Mother” ne 2010 (qe mua personalisht nuk me ka pelqy). Gjithsesi, regjizor i respektueshem, per me teper qe tek “Snowpiercer” ai provon brenda te njejtit film disa ‘ngjyra’, disa tonalitete regjizoriale (edhe tragjiken, edhe komiken, edhe horrorin, edhe filmin/aksion edhe melodramen) gje qe i japin filmit nje dinamikë per tu patur zili!

Tani vijme tek permbajtja e tij: ne pamje te pare, kemi te bejme me lufte klasash, por çik ”for dummies” gjithsesi :  nje tren (nje motorr) si alegori e kapitalizmit (pra dhe e botes ku jetojme sot), nje Chris Evans (aktori par excellence i super-heronjve ‘made in USA’ ) ne rolin e nje “gjeniu te revolucionit” (kjo shprehje degjohet edhe ne film!) pra si te thuash ne ‘rolin’ e Leninit (dhe, ashtu sikurse i pelqen aq shume teorise konspracioniste aktuale pra: Leninin e dergoi ne Rusi Gjermania dhe sherbimet sekrete te fuqive perendimore te kohes per te bere revolucionin por ’sigurisht’ edhe “per te deshtuar” ), njesoj edhe Chris Evans e ka “te keqen brenda” (por per te gjitha keto duhet pare filmi per te kuptuar alegorite ne fjale). Ndersa nga fundi, filmi te lë shijen e nje “Stalker”-i po ashtu “for dummies” : Chris Evans ben me demek muhabet filozofik me armikun e tij te betuar, pak a shume si fundi i filmit te famshem te Tarkovskit (bisedat tek Hyrja e Zones), por shija qe te lë eshte me se shumti ‘filozofi 2 lekeshe’ .

E megjithe ketë e megjithe atë, filmi me pelqeu! Kjo vjen pa dyshim tek ajo qe thashe ne krye te heres: ka nje energji te brendshme tek “Snowpiercer” qe eshte fort e levdushme! Nga vagoni ne vagon ndryshon edhe mizaskena, zhanri, tonaliteti i filmit, i cili kalon nga surpriza ne surprize (e perseris, jo nga ana skenaristike, pasi nese do behej fjale vetem per te, filmi eshte naiv ke zoti). Dhe pa dyshim, humori regjizorial, aq tipik tek Joon-ho BONG, eshte ai qe e nxjerr qimen nga qulli: nga tragjikja tek komikja, nga kristalet e droges tek eksplozivi, nga vagoni ne vagon!

7.8

trailer i filmit : http://www.youtube.com/watch?v=7dd4pogcc4Y

click:

***

Posted on 5th November 2013
Under: Te ndryshme | No Comments »

“Stalker” ? Jo jo, “Stoker”

  

“STOKER” – film amerikan me regji te koreanit Park Chan-wook

Ose thene ndryshe: regjizori i ’Old Boy’ -it (film-femijeror ngaqe jomjaftueshem guximtar ne cinizmin e tij) si dhe i “Thirst” (film qesharak, pasi po aq joguximtar ne groteskun e tij) por amà edhe regjizor i ”I’m a cyborg” (komedi e shkelqyer absurdo-romantike, pretekstshmerisht fantastiko-shkencore), kesaj rradhe ka kaluar oqeanin (me siguri ate Paqesor) dhe ka shkuar ne West Coast, per te bere nje film… hollywoodjan! Me Nicole Kidmanin super-star!

Keshtu qe hajt mo, shkuam e pame edhe kete filmin e rradhes se ketij koreokarafilit (dmth karafilit korean) sepse me kish ngelur ne mendje (per mire !) “I’m a cyborg”-u i tij, i cili, ne nje fare menyre, me bente te besoja qe pikerisht, kur nje karafil nuk e merr fort seriozisht ‘virtuozitetin’ e tij (te supozuar jo nga une, ok?), mund te na ofroje edhe aroma femijerore naive e origjinale, dhe jo infantile groteske dhe vulgare. Por edhe kesaj rradhe, na doli qe ish kjo e dyta… :(

Ne fakt, keta regjizoret qe vijne nga universi i realizimit te reklamave dhe video-clipeve, kane gjithmone diçka prej karagjozeje: kamera rrotullohet 360° çdo 36 sekonda te filmit; personazhet shfaqen e zhduken me shpejtesine e drites ne ekran (i fusin nje grimasë dhe rishqaqen duke i futur nje tjeter ose duke vrare nje tjeter personazh) etj etj. Shkurt, ku rafsha mos u vrafsha keta video-klipistët : ngaterrojne kinematografine me ceremonine e lojrave olimpike (o Danny Boyleeeee! )

Shkurt: filmi ben sikur mban ne vetvete, nga ana skenaristike, nje ’sekret’ kushedi se çë, por ne fakt, pikerisht per shkak te mizaskenes, pothuaj gjithshka kthehet ne fllucke sapuni. Biles mund te thuhet me plot gojen se “Stoker’ eshte shembull tipik i filmit qe konfirmon se permbajtja (skenari ne rastin tone) dhe forma (regjia) shkojne paralelisht: nje regji karagjoze dhe infantile korrespondon me nje histori qesharake dhe meskine (nje vajze e re, e para e klases, sipas filmit, nuk mund te na jete veçse e ardhur nga nje familje borgjeze, nuk mund te na jete veçse e shemtuar ke zoti dhe mbi te gjitha, psikopate per arsye gjenetike… te trasheguara ! ). Pfffff…
    

nota :  3.0

trailer i filmit : http://www.youtube.com/watch?v=JNpDG4WR_74

Posted on 21st May 2013
Under: Te ndryshme | 2 Comments »

“In another country” – film korean me regji te HONG Sang-soo

C’fare ndodh kur nje regjizor perballet me temen e ekzotizmit te famshem qe lind nga raporti i dy personave me kultura te ndryshme, biles nga dy kontinente te ndryshem ? Si arrin ky ekzotizem te krijoje dhe pershpejtoje deshiren (desire), terheqjen midis dy qeniesh njerezore ??
Varet nga regjizori, por kur behet fjale per nje te talentuar si koreani HONG, kersheria eshte e madhe per te pare se si do ta perballoje ai (kinematografikisht, kuptohet) nje tematike te tille me te cilen ai perballet per here te pare (personazhet ne te gjithe filmat e meparshem te tij (123,… por dhe te tjere, kane qene vetem koreane)
  Hong sang-soo ka nevoje per gjera shume te vogla per te bere nje film te madh : nje çader, tre pale sandale (nje pale filp-flops, nje pale sandale me taka e nje pale papuçe balerinash), nje far deti, nje shtepi pushimi buze detit dhe… kaq!

Dhe rolin e heroines kryesore te “In another country” e luan Isabelle Huppert, nje nga dy tre aktoret me te njohura aktuale franceze. Ndersa ngjarjet zhvillohen teresisht ne Kore. Dhe ç’kenaqesi te shihje pikerisht Huppert (tradicionalisht egocentrike dhe histerike ne menyren se si aktron), me ne fund te ç’terminatorizuar, ne rolin e nje europianeje ne Kore qe kalon peripeci te vogla ne dukje, loje e materializuar permes nje aktrimi qe eviton pikerisht ose histerine ose nje far pendimi kristik, tipike per aktoren ne fjale. Ufff, me ne fund !
Hong refuzon ta transformoje heroinen e tij ne ikone, ne fantazi te adhuruar (skena ku plaka koreane detyron Huppert te ulet barkas per te pastruar dyshemene : klas fare ! Shkurt, ate qe s’mundi ta bente as Kiarostami me francezen Juliette Binoche tek “The Certified Copy“, e beri Hongu me Huppert ! Hallelujah !

Film po aq humoristik sa dhe i trishtueshem, eshte melankolia qe le gjurmen e saj te fundit mbi “In another country”. Dhe mu kujtua se shqipja perdor ende nje nga menyrat foljore me te rralla nder gjuhet boterore sot : ate deshiroren (nuk jane me shume se 5-6 gjuhe qe e perdorin ende ate). I shkon fort per shtat asaj qe mendova kur mbaroi filmi ne fjale : HONG Sang-soo, mos vdeksh kurre ! Dhe shtova me vete : cili kineast me dy para mend ne koke nuk do e kishte zili nje koleg te tij qe arrin te beje nje film te shkelqyer me kaq pak, biles fare-fare pak mjete ? (financiare, logjistike… etj).
Prap : mos vdeksh kurre Hong !

nota : 10 !

trailer i filmit :


YouTube – Trailer of Upcoming Korean Movie – In Another Country

le

Posted on 25th October 2012
Under: Te ndryshme | No Comments »

“The day he arrives” – film koreano-jugor me regji te Hong Sang-soo

  Ne pamje te pare, Hong Sang-soo duket sikur po plaket, sikur po zbutet : filmat e tij, gjithe duke trajtuar tema sentimentale, jane bere më te urtë e me te thjeshte, gjithe duke dhene pershtypjen se jane po aq kompleksë si me pare : regjizori jug-korean po na ben film-dhurate pothuaj nga nje ne vit, te gjithe te njejte (ne qender pothuaj gjithmone eshte nje regjizor, çik si deshtak, çik si qesharak – te pakten ne aparence), por te gjithe te ndryshem. Krejtesisht te ndryshem !
C’fare po ben vaki atehere me Hong Sang-soo ?? I njejti apo jo mê i njejti ??
°°°°°°°°°°°°

“The day he arrives” hapet permes nje sentimentalizmi po aq te forte (mbreselenes) sa dhe burlesk (pra gati qesharak) : heroi kryesor, regjizori Seong-Ju, pasi ka realizuar 4 filma, ka vendosur te shkoje te jape mesim ne province. Me qellim qe te takoje mikun e tij me te mire, ai vendos te kthehet per pak dite ne Seul, ne kryeqytet : filmi tregon pikerisht ‘the day he arrives’.

Ne darke, heroi yne takon nje ish-te dashur; ndersa ne tre ditet e mepasme (qe perbejne edhe 80% te filmit !) i kalon mbremjet ne te njejtin bar, te quajtur ‘Roman’, ne shoqerine e te njejteve persona : te mikut te ti me te mire, nje shoqeje te ketij te fundit, si dhe pronares se lokalit, nje bukuri e vertete !

Pikerisht, ketu luan edhe muhabeti, dmth edhe ‘filmi’ : Nese Hong Sang-soo do vazhdonte ne gjurmet e filmave te tij te meparshem (dmth edhe ne gjurmet e Eric Rohmer, bababit te tij shpirteror), pikerisht kur heroi kryesor te mberrinte tek ex-i i tij, do ta shihnim sesi do kalonte naten me të. Dhe keshtu, ne spektatoret do kalonim gjysmen e filmit ne dhomen e saj. Por jo ! Tashme regjizori e ka kaluar ate ’stad’, ate ‘film‘ : Hong Sang-soo tashme ka filluar te ‘germoje’ me tej se deri ku kish mberritur me pare. Se qysh e tek, nuk mundem ta them, pasi filmat e tij, pikerisht pasi jane fort te mire, tejkalojne gjithmone skenarin permes mizaskenes, qe ne kete rast do te quhej : zgavra nate te konvertuara ne kohe, ‘zgavra’ te hapura ne trupin e mbremjeve te shtrira ne kohë.
Ah, ndofta mbetemi ne te njejten hulli, ok. Biles duhet theksuar : jemi absolutisht ne te njejten hulli. Por pikerisht, duke germuar ne te njejtin drejtim, Hong Sang-soo eshte rritur (ne fat, eshte madheruar – do i shkonte me shume). Gjithe duke mos bere te njejtin film. Edhe pse, regjizoret e mire, zakonisht ‘te njejtin’ bejne. Por dhe Hong Sang-soo, duke mos bere te njejtin film, te njejtin ben, edhe ai !
😉

nota : 9.5


YouTube – Bande annonce The Day He Arrives 


YouTube – The Day He Arrives

***

Posted on 18th June 2012
Under: Te ndryshme | No Comments »

“Yellow Sea” (the Murderer) – film jug-korean me regji te Hong-jin Na


  Titulli origjinal i ketij film eshte “Hwanghae” (emri i nje province ne Korene e Veriut); ne vendet anglofone ai ka dale me “Yellow Sea“, ndersa ne France nen titullin anglez “The Murderer“. Ne Shqiperi mund te dale nen titullin “Bakllavaja” (jo per gje, por se eshte dhe ramazan )Stina e verës shquhet per shkretetiren e filmave (por ne pergjithesi, 2011 ka qene goxha shkretetire). Por edhe pse isha betuar se nuk do shkoja te shihja më filmat e ketij regjizori (te cilit para dy vitesh i kisha pare “the chaser”, film qe s’kisha marre as mundimin me e komentu ketu), e hengra ate kokerr ulliri dhe shkova pashë kete te fundit. Me befte mire, se me doli per hajër : kokrra e ullirit doli e mire, filmi më pelqeu !
Ne fakt, nga ana skenaristike, nuk kuptova gjo, perveç faktit qe behet fjale per nje shofer taksie kinez, por qe jeton ne nje province kufitare me Korene, te populluar nga ‘joseon-jok’-ët, nje minoritet korean, fort i paragjykuar ne Kinë.
Ky taksisti qe ben nje jete me teper se mizerabel, nga halli pranon te shkoje ne Kore te Jugut per te vrare dikë, ne kembim te nje shume parash. Por punet nuk i ecin siç i kish parashikuar (ketu une nuk kuptoj asgje nga peripecite skenaristike; pune e madhe fort ! ).

Filmi shkelqen pikerisht gjate sekuencave te dhunes, dhunë bazike, primare, të tmerrshme, por te vëna ne skenë pa “guilty conscience”, te vëna ne skenë natyrshem nga regjizori, pa patur nevoje qe ta vrase ndergjegja per ndonje far’ vetëkenaqesie te semure. “Yellow Sea” sukseson pikerisht aty ku deshtojne filma te ngjashem per nga tematika si “The American” apo “Der Räuber“(Hajduti) : regjizori korean nuk ka realizuar “images justes” por juste des images !

8.8

Posted on 16th August 2011

Under: Te ndryshme | No Comments »

 

  

“Poetry” – film jug-korean me regji te Lee Chang-dong

 ”Poetry” eshte historia e nje gjysheje jug-koreane, qe vendos te ndjeke disa kurse poezie, per here te pare ne jeten e saj. Ndodh nje ngjarje (nipi i saj adoleshent, bashke me disa shoke te tij, dhunojne nje shoqe klase, e cila vret veten pak dite me vone), gje qe ben te ndryshojne jo pak gjera ne kete pjese jete te mbetur te kesaj gjysheje…

Filmi trajton jo pak tema sociale gjate rrjedhes se tij : semundjen Alzheimer te gjyshes, dhunimin e adoleshentes,… etj etj etj, amà lindjen e poezise (qe eshte dhe objektivi kryesor i filmit), lindjen e poetikes, nuk e pashe gjekundi !! Shto ketu faktin qe aktorja kryesore (thuhet se eshte aktorja me e njohur jug-koreane : 300 filma ne karriren e saj !), më shume luante rolin e nje gjyseje, sesa ishte vetë gjyshja (shtremberimet e surratit te saj per tu dukur “gjyshe e dhimbshme” me benin nevrik ne çdo minute te filmit) .

Me erdhi keq qe filmi nuk me pelqeu deri ne kete pike; ketij regjizori i kam pas pelqy shume “Oasis” dhe jo pak “Secret Sunshine“). Lé pastaj që me kane ardh ne maje te hundes filmat jug-koreane ku dhunohen adoleshente (me sa duket, atje eshte kthyer ne sport kombetar kjo gje…) 

3.5

Posted on 28th September 2010
Under: Te ndryshme | No Comments »

“MOTHER”- film koreano-jugor me regji te Bong Joon-ho

  Ne kohen e Merhumit, ka qene nje kenge labe qe thoshte : “Dy luanë ka sot Bota / Nje Azia, nje Europa “. Edhe kinemaja jug-koreane, njesoj si puna e kesaj kenges, sot per sot ka dy luanë, njeri më i perkedhelur se tjetri nga kritika oksidentale : njeri eshte Park Chan-wook, regjizor i “Old Boy” ose “Thirst” http://filmjournal.thedigitalfix.com/autori/2009/1…ark-chan-wook/), tjetri eshte Bong Joon-ho– regjizor i “The Host” ( http://filmjournal.thedigitalfix.com/autori/2009/0…-joon-ho-bong/) apo “Memories of murder”.

Edhe pse Park Chan-wook-u i “Old Boy”-t eshte etiketuar si më vulgar dhe më “tape à l’œil” se Bong Joon-ho, filmat e ketij te fundit, in fine, nuk jane aq te ndryshem nga ato te Park Chan-it : “Mother“, filmi i tij ultim, eshte nje quasi-remake i “Old Boy”-t ! Ne te dy filmat, gjejme pothuaj te njejtet elemente skenaristike : gjimnaziste nimfomane (figure arketipale e manga-ve aziatike), raporte gati incestale baba-bir (ose nene-bir); po ashtu, gjejme te nejtat obsesione mizaskenike : filma-rrefenjë qe kthehen ne fabula moralizuese (ku ne fund, viktima del kriminel dhe krimineli, viktime), dhenie e nje rendesie kapitale celulareve ne zbulimin e te vertetes, kuadro filmike qe insistojne mbi tenxhere me supe aziatike dhe gjelle me salcë curry, plane filmike patetiko-komike me portrete te rinjsh “si pune budallenjsh” dhe pa dhembe ne goje. E njejta gusto per personazhe “si pune budallenjsh”, ose me sakte : budallenj, ma non troppo ! Njesoj si dhe filmi “MOTHER” : film-pirouette, por piruetta jo fort te sinqerta… (te njejtat simptoma si dhe filmat e Park Chan-wook, dhe te “vales se re” coreano-jugore, ne pergjithesi…).

Vleresimi im : nota 4.5 (kete vit po e bejme me notacion, per te dhene nje ide me te sakte).

Ne fotot e meposhtme: majtas, budallai (ma non troppo!) tek “Mother” i Bong Joon-ho; djathtas, ai tek “Old Boy” i Park Chan-wook

 

 

 

 

***

Posted on 24th February 2010
Under: ThrillerCannesKorea e Jugut | No Comments »

“Thirst” ( ETJE ) film jug-korean me regji te Park Chan-wook

Mbreme pashe filmin ne fjale, qe eshte vertet nje fare thriller-i gjysem horror, gjysem realist, me vampire, dhe me doza jo te pakta humori.

Historia : Nje prift korean, shkon vullnetar ne Afrike per te bere vaksinen e re qe nje mjek ka shpikur, kunder nje virusi vdekje-prures qe qarkollon neper bote. Nga te gjithe ata qe pranojne te bejne vaksinen, prifti eshte i vetmi qe shpeton gjalle, fale nje transfuzioni gjaku te çuditshem qe merr.
Pasi kthehet perseri ne Koré, i shfaqen ne lekure shenja te çuditshme. Prifti eshte kthyer ne vampir. Ketu fillon dhe filmi…

Dhe aty fillojne dhe problemet me të. Skenat e filmit duken si te ndara, duken si pa lidhje nga njera-tjtra dhe po aq pa lidhje nga narracioni i pergjithshem i filmit. Skenat ngjajne me copeza lekure te vdekura, qe bien njera pas tjetres…
Kjo ben qe tonaliteti i filmit bie çdo 10 a 15 minuta… ; shto ketu dozen naive te filmit, here me dashje (dhe ne kete rast, ato jane momentet vertet interesante te filmit), here pa dashje…

Film-vampir, nganjehere nepsqar (i pangopur), nganjehere grotesk… Mund te kish qullosur me mire ky regjizori i ‘Old Boy’-t

***

Posted on 9th October 2009
Under: HorrorThrillerKorea e Jugut | No Comments »